បុរសពីរនាក់ រងរបួសធ្ងន់ ដោយករណីគោយន្តកន្ត្រៃ បុកម៉ូតូ
21-November-2017 | ដោយ ពលមនសិការ
ពោធិ៍សាត់ ៖ យ៉ាងហោចណាស់មានបុរសពីរនាក់រងរបួសជាទម្ងន់ ក្នុងឧបទ្ទវហេតុគ្រោះថ្នាក់ចរាចរណ៍មួយបង្កឡើងដោយ គោយន្តកន្ត្រៃ បុកម៉ូតូ នៅលើផ្លូវក្រាលកៅស៊ូមួយខ្សែរតភ្ជាប់ពីរផ្លូវជាតិលេខ៥ឆ្ពោះ ទៅកាន់ឃុំកំពង់ពោធិ៍ ហេតុការនេះកើតឡើងនៅចំណុចភូមិចេកចៅ ឃុំកំពង់ពោធិ៍ ស្រុកក្រគរ ខេត្តពោធិ៍សាត់ កាលពីវេលាម៉ោង១៩និង៣០នាទី ល្ងាចថ្ងៃទី២០ ខែវិចិ្ឆកា ឆ្នាំ២០១៧ ។
ប្រភពព័ត៌មាននៅកន្លែងកើតហេតុ បានប្រាប់ឲ្យដឹងថា មុនពេលកើតហេតុ គេឃើញគោយន្តកន្ត្រៃមួយគ្រឿងបើកបរក្នុងទិសដៅពីត្បូងទៅជើង លុះមកដល់ចំណុចកើតហេតុ ខាងលើ បានបុកម៉ូតូមួយគ្រឿងម៉ាក ស៊ុយសូគី ស្មាស់ រីវ៉ូ ពណ៌ខ្មៅ លាយស ពាក់ស្លាកលេខ កណ្តាល 1D-7679 បើកបរក្នុងទិសដៅច្រាសគ្នា បណ្តាលឲ្យអ្នកជិះម៉ូតូពីរនាក់រងរបួស ។
សមត្ថកិច្ចនគរបាលប៉ុស្តិ៍កំពង់ពោធិ៍ បានបញ្ជាក់ឲ្យដឹងថា ជនរងគ្រោះពីរនាក់ ទី១-ឈ្មោះ នៅ ខៃ ភេទប្រុស អាយុ១៩ឆ្នាំ រស់នៅភូមិកណ្តុរស ឃុំបឹងកន្ទួត ស្រុកក្រគរ ខេត្តពោធិ៍សាត់ ជាអ្នកបើកម៉ូតូរងរបួសធ្ងន់ ទី២-ឈ្មោះ បូ សុប៉ិន ភេទប្រុស អាយុ១៥ឆ្នាំ រស់នៅភូមិមាត់ព្រៃ ឃុំកំពង់ពោធិ៍ ស្រុកក្រគរ ខេត្តពោធិ៍សាត់ រងរបួសធ្ងន់ ក្រោយពេលកើតហេតុ ជនរងគ្រោះ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តពោធិ៍សាត់ ។
ចំពោះវត្ថុតាងសមត្ថកិច្ចយកមករក្សាទុកនៅប៉ុស្តិ៍នគរបាលរដ្ឋបាលកំបង់ពោធិ៍ ដើម្បីចាត់ការតាមនីតិវីធី ៕
ចំនួនអ្នកទស្សនា
- ថ្ងៃនេះ2411
- ម្សិលមិញ10851
- សប្តាហ៍នេះ68931
- ខែនេះ184081
- ឆ្នាំនេះ184081
- សរុប20626537